Afrikalı futbolçular "Kəpəz"də baxışdadır

Növbəti mövsümdən "Kəpəz" PFK adı ilə Unibank Premyer Liqasında mübarizə aparacaq "Gəncə" komandası artıq bir araya gəlib. Mehman Allahverdiyevin rəhbərliyi ilə komanda artıq ilk məşqinə çıxıb. Elşən Poladov, Zaur Əsədov və Elnur Abbasovla heyətini gücləndirən gəncəlilər bir neçə legioneri də sınaqdan keçirəcəklər. Bu barədə məlumatı klubun mətuat katibi Məqsəd Rəhimov verib. Onun sözlərinə görə baxışa dəvət olunanlardan üçü Qana, biri isə Nigeriyadandır. Baxışda olan legionerlərdən 1988-ci il təvəllüdlü Odotet Godson dayaq yarımmüdafiəçisi, 1989-cu il təvəllüdlü Appiah Nana Yav yarımmüdafiəçi, 1982-ci il təvəllüdlü Beblie Gardiner  mərkəz müdafiəçisi və 1991-ci il təvəllüdlü nigeriyalı Patrick Monday Ogbole isə hücumçudur. Yaxın vaxtlarda daha bir neçə oyunçunun da baxışa dəvət olunacağı gözlənilir.

http://www.pfl.az/