21 yaşadək futbolçulardan ibarət yığmalar arasında Danimarkada düzənlənən Avropa çempionatına yekun vurulub. Azerisport.az xəbər verir ki, turnirin final matçında İspaniya və İsveçrə yığmaları üz-üzə gəlib.
Turnirin final görüşünə kimi məğlubiyyətsiz irəliləyən komandalardan daha güclüsü İspaniya olub. Belə ki, bu komanda rəqibi üzərində 2:0 hesablı qələbəyə sevinib. Qarşılaşmada İspaniyaya qələbəni gətirən qolları 41-ci dəqiqədə Ander Herrera, 81-ci dəqiqədə isə Tyaqo Alkantara vurub.
Son dünya və Avropa çempionu olan İspaniya, 21 yaşlılarla da çempion olması ilə yanaşı, üçüncü dəfə qitə birincisi adını qazandı.
AÇ-də üçüncü yer uğrunda keçirilən qarşılaşmada isə Belarus Çexiya üzərində minimal hesablı qələbəyə sevinib.
Комментариев нет:
Отправить комментарий