"Qalatasaray" rəsmən iki ulduzla danışıqlara başladı

Luis Fabiano və Fernando Muslera "Aslan" olur
"Qalatasaray" iki futbolçu ilə rəsmi şəkildə danışıqlara başlayıb. Premyerliqa.az xəbər verir ki, bu barədə İstanbul klubunun rəsmi saytı açıqlama yayıb.
Açıqlamalda deyilir ki, "Qalatasaray" İdman A.Ş. "Kamuyu Aydınlatma Platformu"na (KAP) göndərdiyi açıqlamada peşəkar futbolçular Luis Fabiano və Fernando Muslera üçün transfer danışıqlarına başlayıb. Braziliyanın "San Paulo" və İtaliyanın "Latsio" klubları ilə danışıqların yekunu barədə ictimaiyyətə məlumat veriləcək.
Qeyd edək ki, "San Paulo"da forma geyinən  yaşlı Luis Fabiano hücümçudu. O, karyerası ərzində "San Paulo" ilə yanaşı Braziliyanın "Ponte Preta", Fransanın "Renn", Portuqaliyanın "Portu" və İspaniyanın "Sevilya" klublarında çıxış edib. Braziliya yığmasında 43 oyun keçirib 28 qola imza atan futbolçu UEFA Kubokunu, Qitələrarası Kuboku, UEFA Super Kubokunu, İspaniya Kubokunu, İspaniya Super Kubokunu, Amerika Kubokunu və Konfederasiyalar Kubokunu qazanıb.
"Latsio"da çıxış edən 25 yaşlı Fernando Muslera Argentinada doğulsa da, Uruqvay vətəndaşıdı. Qolkiper "Latsio"dan əvvəl Uruqvayın "Montevideo" və "Nasional" klublarında çıxış edib. Uruqvay yığmasında 19 oyun keçirən futbolçu İtaliya Kubokunu və Super Kubokunu qazanıb, DÇ-2010-da dünya dördüncüsü olub.

http://www.premyerliqa.az/