“Topaz”: “Qarabağ” səfərdən qələbə ilə qayıdacaq

“Topaz” iyulun 12-14-də keçiriləcək Çempionlar Liqasının və Avroliqanın II təsnifat mərhələsinin ilk görüşlərinin əmsallarını açıqlayıb. Apasport.az saytının məlumatına görə, onlar bu yarışlarda iştirak edəcək 3 Azərbaycan klubundan yalnız Ağdamın “Qarabağ” klubunun qələbə qazanacağını proqnozlaşdırırlar.

Belə ki, “Topaz” Avroliqada mübarizə aparan Qurban Qurbanovun yetirmələrinin Farer adalarının “Streymur” komandası ilə duelində qalib gəlməsinə 1,25 əmsal verib. Həmyerlilərimizin məğlubiyyəti 8,50, heç-heçə etməsi 4,25 əmsalla qiymətləndirilib.

“Qarabağ”la bərabər, ölkəmizi Avroliqada təmsil edən “Xəzər Lənkəran”ın qələbə qazanması isə çətin olacaq. “Topaz” Mirça Rednikin komandasının səfərdə rəqibini məğlub etməsinə 12,00, heç-heçəsinə isə 6,00 əmsal verib. “Makkabi”nin qalib gəlməsi 1,10 əmsaldır.

Çempionlar Liqasında uzun fasilədən sonra yarışacaq “Neftçi”nin də çətinliklə üzləşəcəyi proqnozlaşdırılır. “Topaz” onların Zaqreb “Dinamo”suna qalib gəlməsini 8,00, məğlub olmasını 1,15 əmsalla qiymətləndirib. Oyunda heç-heçəyə pul qoyanlar isə 6 dəfə əmanətlərini artırmaq şansı qazanacaqlar.

Liqa	Saat	Kod	Ev sahibi komanda	1	X	2	Qonaq komanda
Çərşənbə 13/07/2011
ÇMP	23:00	531	Dinamo Zaqreb	1,15	6,00	8,00	Neftçi
Cümə axşamı 14/07/2011
AVL	22:30	560	Makkabi Təl Əviv	1,10	6,00	12,00	Xəzər Lənkəran
AVL	23:00	565	Streymur	8,50	4,25	1,25	Qarabağ

http://www.apasport.az/